काठमाडौ, राष्ट्रिय प्रजातन्त्र पार्टी (राप्रपा) अध्यक्ष राजेन्द्र लिङ्देनको नेतृत्वमा सरकारमा जाने भएको छ ।
लिङ्देन उपप्रधानसहित ऊर्जामन्त्री बन्ने सम्भावना बलियो भएपछि राप्रपा सरकारमा जान लगभग तयार भएको हो ।
सत्ता साझेदार दलका शीर्ष नेताहरूका बैठकमा राप्रपाले उपप्रधानमन्त्रीसहित ४ मन्त्रालयमा दाबी राख्दै आएको छ ।
राप्रपाले ४ मंसिरमा सम्पन्न निर्वाचनमा प्रतिनिधि सभातर्फ १४ सिट जितेको छ । एकरदुई दिनभित्र प्रधानमन्त्री पुष्पकमल दाहाल प्रचण्डले मन्त्रिपरिषद विस्तार गर्दैछन् ।
संसदबाट विश्वासको मत लिएपछि मन्त्रिपरिषद् विस्तारमा रहेका प्रधानमन्त्री दाहाल र नेकपा एमाले अध्यक्ष केपी ओलीबीच मन्त्रालयको विषयमा बुधबार र बिहीबार छलफल भएको थियो ।
दुई शीर्ष नेताबीचको छलफल सकारात्मक भएको बताइएको छ । सत्तारुढ दल नेकपा एमालेले आफ्नो पार्टीबाट मन्त्री बन्नेहरूको सूची तयार गर्न अध्यक्ष ओलीलाई जिम्मेवारी दिएको छ ।
यहीअनुसार उनले आफ्नो पार्टीबाट मन्त्रीहरूको सूची तयार भएको जानकारीसमेत दाहाललाई दिएका छन् ।
अब सत्तारुढ अन्य दलहरूको बैठक शनिबारभित्र बसेर मन्त्रीको टुंगो लगाउने र आइतबार नै सपथग्रहणको कार्यक्रम राख्ने दाहालको तयारी रहेको स्रोतको दाबी छ ।
जसअनुसार एमालेले ९, माओवादी केन्द्रले ५, रास्वपाले एक राज्यमन्त्रीसहित ४, राप्रपाले ४, जसपाले ३, जनमत र नाउपाले २/२ मन्त्रालय पाउने भएका छन् ।
प्रकाशित मिति : २०७९ पुष २९, शुक्रबार ०९:१०
