काठमाडौं, प्रतिनिधिसभाका नवनियुक्त सभामुख देवराज घिमिरेले पद तथा गोपनीयताको शपथग्रहण गरेका छन् ।
राष्ट्रपति कार्यालय शीतल निवासमा शुक्रबार आयोजित समारोहमा सभामुख घिमिरेले शपथ लिएका हुन् । उनलाई राष्ट्रपति विद्यादेवी भण्डारीले शपथ ग्रहण गराएकी थिइन् ।
सभामुखको सपथ समारोहमा उपराष्ट्रपति नन्दबहादुर पुन, प्रधानमन्त्री पुष्पकमल दाहाल’, राष्ट्रियसभा अध्यक्ष गणेश तिमिल्सिना लगायतको उपस्थिति रहेको थियो ।
शपथग्रहण लगत्तै उनले लैनचौर स्थित सहिदको सालिकमा माल्यार्पण गर्ने कार्यक्रम छ । उनले आजै मध्यान्ह १२ः३० मा पद बहाली गर्नेछन् । सभामुखले राष्ट्रपतिसँग सपथ लिने संसदको नियमावलीमा व्यवस्था रहेको छ ।
बिहीबार मात्र उनी सभामुखमा निर्वाचित भएका थिए । सत्ता गठबन्धनका दलहरूको बहुमतका साथ घिमिरे सभामुखमा निर्वाचित भएका थिए ।
प्रकाशित मिति : २०७९ माघ ६, शुक्रबार ११:५२
