काठमाडौ, ललितपुर बार एशोसिएसनको अध्यक्षमा गणतान्त्रिक, प्रगतिशील, पेशागत कानुन समूहबाट उम्मेदवार राम श्रेष्ठ विजयी भएका छन् ।
विजयी श्रेष्ठले चार सय १९ मत प्राप्त गरे भने प्रतिस्पर्धी वृहत् प्रगतिशील, पेशागत, लोकतान्त्रिक, समाजवादी र समावेशी समूहबाट अध्यक्षका उम्मेदवार शशीकुमार कार्कीले १ सय ७० मत प्राप्त गरेको निर्वाचन समितिका प्रमुख प्रकाश महर्जनले जानकारी दिए ।
उपाध्यक्षमा गणतान्त्रिक समूहबाटै बालकृष्ण महर्जन, सचिवमा छोनम मोक्तान, सहसचिवमा रीता श्रेष्ठ, कोषाध्यक्षमा रमेशकुमार महर्जन विजयी भए ।
महिला सदस्यमा अष्ठकुमारी महर्जन र सुशीला कार्की खुल्ला निर्वाचित भए भने सदस्यमा भूमेराज आलेमगर, इच्छाराम महर्जन, रत्नबहादुर बुढा, रोहितकुमार कार्की, जीवनकुमार बस्नेत, विराज थापा, विपना योगी विजयी भएका छन् ।
नयाँ कार्यसमितिको निर्वाचनका लागि शनिबार बिहान ८ बजेदेखि मतदान सुरु भई ४ बजे सम्पन्न भएको थियो । कूल ८ सय १२ मतदाता रहेकोमा ६ सय मत खसेको थियो । १५ सदस्यीय कार्यसमितिको अवधि दुई वर्षको हुनेछ ।
प्रकाशित मिति : २०७९ माघ ८, आईतवार ०८:२७
