काठमाडौ, आज बेलुकासम्म मन्त्रिपरिषद् विस्तारको तयारी रहेको भन्दै दिउँसोसम्म मन्त्रि बन्नेहरुको नाम पठाउने दलहरुको तयारी छ। मन्त्रि छान्नकै लागि केहि दलले आन्तरिक बैठक बोलाएका छन् ।
पुष्पकमल दाहाल नेतृत्वको वर्तमान सरकारलाई स्वतन्त्रसहित १० दलले विश्वासको मत दिएका थिए। सबै दललाई भागबन्डा गरिएको छ।
सहमति अनुसार कांँग्रेसलाई ८ मन्त्रालय, माओवादी केन्द्र ५, नेकपा एकीकृत समाजवादीलाई २ दिइने छ। जसपालाई २, लोसपालाई १, नागरिक उन्मुक्तिलाई १, आमजनता पार्टीलाई १, जनमतलाई राज्यमन्त्रीसहित १ मन्त्रालय, नेसपालाई १ मन्त्रालय बाँडफाँटको सहमति जुटेको बैठकमा सहभागी जसपाका नेता राजेन्द्र श्रेष्ठले बताए।
यद्यपि कुन दललाई कुन मन्त्रालय दिने भन्नेबारे यकिन भइसकेको छैन।
प्रकाशित मिति : २०७९ चैत्र १६, बिहीबार ०७:५३
