काठमाडौ, सरकारले आज पाँच वर्ष मुनिका बालबालिकालाई भिटामिन ‘ए’ र जुकाको औषधि खुवाउँदैछ ।
स्वास्थ्य तथा जनसंख्या मन्त्रालयका अनुसार बालबालिकालाई आज र भोलि भिटामिन ‘ए’ र जुकाको औषधि खुवाउन लागिएको हो ।
मन्त्रालयले आफूलाई पायक पर्ने खोप केन्द्रमा गएर बालबालिकालाई भिटामिन ‘ए’ र जुकाको औषधि खुवाउन अभिभावकलाई अनुरोध गरेको छ । आज खान छुटेकालाई भोलि खुवाउन सकिनेछ ।
दुई दिने अभियानमा ६ देखि ५९ महिनाका बालबालिकालाई भिटामिन ‘ए’ खुवाइने छ । यस्तै, १ देखि ५ वर्षसम्मका बालबालिकालाई जुकाको औषधि खुवाइने मन्त्रालयले जनाएको छ ।
बालबालिकामा हुनसक्ने स्वास्थ्य जटिलता तथा कुपोषणको जोखिम न्यूनीकरण गर्नका लागि सरकारले २०५० सालदेखि राष्ट्रिय भिटामिन ‘ए’ कार्यक्रम सञ्चालन गर्दै आएको छ ।
जुकाको औषधि भने २०५६ बाट खुवाउन थालिएको हो ।
प्रकाशित मिति : २०८० बैशाख ६, बुधबार ०९:१५
