पीएनजीविरुद्ध टस जितेर फिल्डिङमा नेपाल, प्रतिशको डेब्यू


काठमाडौं, आईसीसी पुरुष विश्वकप क्रिकेट लिग २ अन्तर्गत यूएईमा जारी त्रिदेशीय एकदिवसीय शृंखलाको पहिलो खेलमा नेपालले पपुवा न्यूगिनी ((पीएनजी)विरुद्ध टस जितेर पहिला फिल्डिङ गर्ने निर्णय गरेको छ ।

दुबई अन्तर्राष्ट्रिय क्रिकेट मैदानमा केहिबेरमा सुरु हुने खेलमा नेपालबाट तीब्र गतिका बलर प्रतिश जिसील डेब्यू गर्नेछन् ।

उनी नेपालबाट ओडीआई डेब्यू गर्ने ३७औं खेलाडी हुन् । प्रतिशले यसअघि उमेर समूहमा यू–१९ र १६ बाट खेलिसकेका छन् ।

लिग २ मा २८ खेल खेलेको नेपाल १२ जित र १४ हारको नतिजासहित २६ अंक जोडेर तालिकाको छैठौं स्थानमा छ ।

एकदिवसीय मान्यता जोगाउन बाँकी आठ खेलमा कम्तिमा ५ खेल जित्नु पर्ने दबाव नेपाललाई छ ।

यस्तै, तेस्रो स्थानमा रहेर विश्वकप छनोट खेल्न नेपालले ७ खेल जित्नु पर्नेछ ।

प्लेइङ ११ः
रोहित पौडेल, दीपेन्द्रसिंह ऐरी, ज्ञानेन्द्र मल्ल, आसिफ शेख, करण केसी, सोमपाल कामी, कुशल भुर्तेल, कुशल मल्ल, गुलसन झा, आरिफ शेख र प्रतिश जिसी


प्रकाशित मिति : २०७९ फाल्गुन १५, सोमबार ११:२२

धेरै पढिएको

ताजा समाचार