एजेन्सी, पेरिस सेन्ट जर्मेन (पीएसजी) कप डि फ्रान्सको अघिल्लो चरणमा पुगेको छ । गएराति सम्पन्न खेलमा तेस्रो डिभिजनको च्याटाउरोक्सलाई ३–१ ले हराउँदै पीएसजीले अघिल्लो चरणमा पुगेको हो ।
पिएसजीलाई जीत दिलाउनमा ह्युगो इटिके, कार्लोस सोलेर र जुआन बर्नाटले समान एक गोल गरे ।
च्याटाउरोक्सका लागि नाटानिएल एन्टोलाले एक गोल फर्काए । खेलको १३ औं मिनेटमा इटिकेको गोलबाट पीएसजीलाई सुरुआती अग्रता दिलाएका थिए । तर, उसले लामो समयसम्म भने अग्रता जोगाउन सकेन ।
३७औं मिनेटमा च्याटाउरोक्सका नाटानिएल एन्टोलाले गोल गर्दै खेललाई १–१ स्थितिमा ल्याए । ७८ औं मिनेटमा कार्लोस सोलेरले गोलबाट पीएसजी २–१ को अग्रता लियो ।
इन्ज्युरी समयमा जुआन बर्नाटले गोल गर्दै पीएसजीलाई ३–१ को उत्कृष्ट जीत दिलाउन सफल भए । यो खेलमा लियोनल मेस्सी, नेयमार र केलियन एमबाप्पेलाई खेलाइएको थिएन ।
प्रकाशित मिति : २०७९ पुष २३, शनिबार ०३:३९
